يُــــــــــبـــــه

[اطلاال الماضي]

يبه وانا بعــــــــــــد إثنعش عام حسّيت

إنّي قـــــــــــــــــــدرت اقول شيٍ كتمته

أبطي قصيدي ما انكتب فيك وابطيت..

أجر صــــــــــــوتي وارجع آجر صمته

ماودّي اكتب بيــــــــت واندم على بيت

ما هوب شـــــــعر الشعر كاني زهمته

الشعر كانه مــــا انحنى لي.. ما جيت

ان ما عزم مــــــــــــــرثيّتك ما عزمته

انْ ما كتبته بـــازرق الدمع.. وابكيت..

كل الــــــجروح المبطيه.. ما رحمته



( منقول من المنتدى اللي بجنبنى )

يــــبه انا مــــن بعدك ابو التناهيت

مامـــــــــــــرّ طعمٍ للحزن ما نهمته

يبه: (يبــــــــه كلمه) وانا كل ما اوحيت

كلمة يــــــــبه.. صدّيت.. والوقت لمته

يــــــــبه: (يبه كلمه) وانا كم تمنّيت

اهدم بـــــــــــــها وابني بها اللي هدمته

يـــــــبه وانا لا ضقت رحت وتهجّيت

ركــــــــــــــــــون بيتٍ ضم حلمٍ حلمته

يومك تعــــــــــــلمني إلى من تحاكيت

درس الحيــــــــاه اللي كبرت وفهمته

هنــــــــــــــــاك كانت دلّتك لا تقهويت

وهْـــــــــــــناك كان يْساق طيبٍ حشمته

وهنــــــاك.. إيه اذكرني هناك خلّيت..

طفـــــــــــلٍ ملا بالدمع دربٍ رسمته

هــنــــــــــاك جاني علمك انّك توفيت

وهـنــــــــــــاك خاويت الشقا واحتزمته

واليوم قلـــــــــت اليوم يومي ومدّيت

كـــــــــف القصيد وطاح شعر ونظمته

لكن بـــــعد صمت اثنعش عام حسّيت..

انــــــــــــــّي عجزت آقول شيٍ كتمته